البث الحي لقناة الحياة
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» أنا المواطن
الأربعاء نوفمبر 09, 2016 4:53 am من طرف مصطفي وصفي

» كُل عام وانت بخير يا صديقي ...... مصطفى وصفي
الأربعاء يونيو 29, 2016 2:58 am من طرف مصطفي وصفي

» احاديث مغلوطة
الأربعاء يونيو 29, 2016 2:56 am من طرف مصطفي وصفي

» نشاط صيف 2016 ----2017
الإثنين يونيو 27, 2016 1:23 am من طرف مصطفي وصفي

» مدير عام إدارة الخارجة التعليمية بالثورة الابتدائية
الإثنين يونيو 27, 2016 1:21 am من طرف مصطفي وصفي

» المسابقة الرمضانية
الإثنين يونيو 27, 2016 1:18 am من طرف مصطفي وصفي

» النشاط الصيفي المقترح من المجموعة
الأحد يونيو 26, 2016 2:15 pm من طرف مصطفي وصفي

» حفل تكريم وكيل المدرية
الأحد يونيو 26, 2016 2:13 pm من طرف مصطفي وصفي

» سلام عليكم
السبت يونيو 25, 2016 7:47 am من طرف مصطفي وصفي

ديسمبر 2018
الإثنينالثلاثاءالأربعاءالخميسالجمعةالسبتالأحد
     12
3456789
10111213141516
17181920212223
24252627282930
31      

اليومية اليومية


لما جيت اكتب عن امى

اذهب الى الأسفل

لما جيت اكتب عن امى

مُساهمة من طرف Mohamad-Makram في الجمعة يونيو 24, 2016 1:17 am

قصيدة لما جيت اكتب عن امى
للشاعر عبدالله حسن

لما جيت اكتب عن امي
قولت عنها شايله همي
قولت دي بتجري فـ دمي
قولت ياما حجات كتير مش جديدة
لما جيت اكتب عن امي
عجزت قدامي القصيدة
شايله سري
كان زمان بيني وبينها حبل ُسري
اتقطع يوم الولادة
واتوصل حبل الوداد
حب متحولش عادة من كلام رب العباد
حبها اصلا عبادة
فـ التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها مكنتش بفكر
كنت ببكي وكانت بتحضن بابتسامة
وقتها مكنتش بفكر
ده الضنا جه مـ الضنى
لما جيت اكتب عن امي لاقتني بكتب عني انا
لما جيت اكتب عن امي عجزت قدامي الحروف
قام ال (أ) زعق وقف
قالي ما تفهم يا ولا
ده انا مشترك ف اسم من لا شريك له
واول الاسم الـ(أ) واول الام الـ(أ) ودي مش صُدف
ربك بيخلق مـ العدم خلق الألم وهنا علي وهن
شالتني لحد ما بلغت الحلم
وياما بتدلع عليها وياما بتمنع عليها
وياما حوطتني بجنحها وياما دمعت ف عنيها
ومن ايديا تاتا تاتا
ورجلي داست ع البلاطة
وداس عليها عجل زمنا وكانت بتحضني ببساطة
ولما كانت بتعب كانت تطبطب كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصحبهم
عن الدراسة
خش ذاكر
اجي اتدلع تقولي ده انت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
متلاقيش لهواها ريحة
السنين بجحة وصريحة
امي مبتعرفش تجرح
بس ياما باتت جريحة
لما جت وقفت قصادي
قلتلي انت امتدادي
انت نور عيني اللي شبهي
انت دونان عن ولادي
وقتها انا كنت غاوي للغناوي
كنت اسيبها قاعدة وانزل اترمي ف حضن القهاوي
هي دي احلي عيشة
هاتلي نار علي فحم شيشية
هاتلي طولة
امي دي فكراني طيشة
لا ده انا راجل بشنبي
بصوا دقني
واما جالي الحزن دقني
والزمان خد مني خانة
الدوا اللي عندي امي
مش لاقيه ف الاجزخانة
كل ليلة كنت برجع
والدعاة صالبلي ضهري
والتعب فارد طريقي
والسنين بتقولي اجري
فـ الزمن عمال بسابق
بلتقي بحضن بفارق
زحمت الدنيا خدتني
مفتكرهاش الا لما بس الاقي الاكل حادق
انت فين مش عارف اكل
اقعدي جمبي تعالي
اسمعي اخر المهازل
مرة واحد حب ينجح قاله عنه لا ده فاشل
مرة واحد حب واحدة
بس سبها لانه عاطل
قاله عني اني شبهك
قاله واخد شكل شعرك
ضعف نظرك
والسنان البايظة منك
ياما جرحوني يا امي وبدعاكي جات سليمة
هما لما يقولو عني ابن امي دي شتيمة
كملي جميلك يا امي وبعد عمر طويل اووووي
روحي للرحمن قوليله ان ابني بيحبني اوووي
ياما زعلني وسمحته
ياما زعقلي وكان يكفيني بس اشم ريحته
كان بينسي يقولي شكرا وانا بديه من حياتي
بس انا وانت اللي عالم كنت بدعيله يوماتي
ربنا يهديه يسمحه
كان كتير يصعب عليا لما اشوف ف عيونه جرحه
مهما يعمل
لسه ابني اللي كان ف اللفة خايف
مهما ينطق لسه سامعة ماما من اصغر شفايف
كملي جميلك يا امي
وروحي للرحمن قوليله
هو ابني امتدادي
هو نور عيني اللي شبهي
واما جيت اكتب عن امي
برضه كل كلامي عادي
avatar
Mohamad-Makram
مدير المُنتدى
مدير المُنتدى

المساهمات : 11
تاريخ التسجيل : 18/06/2016
العمر : 43
الموقع : kemomakram@gmail.com

معاينة صفحة البيانات الشخصي للعضو http://wady-edu-dr-gaazy.rigala.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى